Davido ashinda tuzo ya Best African Act, Diamond aandika ujumbe mzuri wa kiushindani

Utoaji wa tuzo za BET 2014 unaendelea usiku huu na tayari Davido toka Nigeria ametangazwa kuwa mshindi wa tuzo ya Best African Act.

Kipengele hicho kilikuwa kinawaniwa na mshindi huyo pamoja na wasanii wengine wakubwa Afrika ambao ni Diamond Platinumz, Mafikizolo, Toofan, Sarkodie na Tiwa Savage.

Tuzo hiyo imetolewa muda mchache kabla ya kuanza kwa show kubwa ya utoaji wa tuzo hizo inayopambwa na burudani kutoka kwa Drake, Nicki Minaj, Usher Raymond na wengine wengi.

Diamond Platinumz ambaye ameiwakilisha vizuri Tanzania licha kutopata tuzo hiyo,  ameandika ujumbe wa kiushindani katika Instagram unaoonesha ukuaji katika game la kimataifa.

 

“Tusipopenda kukubali Matokeo na Ushindi wa Wenzetu basi Daima Hatutaweza kuwa Washindani....Muhimu ni kujua wapi tulipotoka na Wapi tulipo Leo... Katika Nchi zaidi ya 20 zenye wasanii zaidi ya Million 40, kuchaguliwa Tanzania ni fursa, Heshima na Hatua kubwa... Cha Muhimu ni kuitumia vyema Fursa Hii na Kuhakikisha Mwakani tunapiga Hatua Zaidi!.... Asante sana kwa wote wanaozidi kuni support kwa hali na Mali, Mapambano ndio kwaaaanza yanaanza sasa.....!!!!!! @wcb_wasafi For Life Baby.”

Ni kweli Diamond amepiga hatua kubwa sana na hata kuifanya Tanzania iwe miongoni mwa nchi zilizotajwa katika tuzo hizo kubwa.

Credits:- Times Fm